Laosgolf ກຳລັງໂຫຼດ
ກຳລັງໂຫຼດ...
LA
ໜ້າຫຼັກ ຄຳຖາມທີ່ພົບເລື້ອຍ WHS

ວິທີຄິດໄລ່ Handicap (Calculation of Handicap)

Wed, 31 Dec 2025 11:23:58 +0700
  • Score Differential ແມ່ນຫຍັງ? ຄິດໄລ່ດ້ວຍສູດໃດ?
    Score Differential ແມ່ນຕົວເລກທີ່ຜູ້ຫຼິ້ນກ໊ອຟເຮັດໄດ້ ຫຼັງຈາກການອອກຮອບໃນແຕ່ລະຄັ້ງ ແລະ ຕົວເລກນີ້ຈະຖືກນຳມາໃຊ້ເພື່ອຄິດໄລ່ Handicap Index. ຕົວເລກນີ້ສະແດງເຖິງ ຄວາມສາມາດຂອງຜູ້ຫຼິ້ນໃນການອອກຮອບນັ້ນໆ ໂດຍພົວພັນກັບ ຄວາມຍາກຂອງສະໜາມ (ເຊິ່ງປະເມີນດ້ວຍ Course Rating ແລະ Slope Rating).
    Score Differential ຖືກຄິດໄລ່ຕາມສູດດັ່ງນີ້:
    (113 / Slope Rating) x (Adjusted Gross Score - Course Rating - PCC adjustment)
    Score Differential ອາດຈະຖືກປັບປຸງ ຕາມຂໍ້ກຳນົດຂອງ ກົດ Handicap.
    ຕົວຢ່າງ: ການຫຼິ້ນຮອບໜຶ່ງໄດ້ 80 ສະໂຕກ ຢູ່ສະໜາມທີ່ຍາກ ອາດຈະໃຫ້ຄ່າ Score Differential ທີ່ດີກວ່າ ການຫຼິ້ນໄດ້ 77 ສະໂຕກ ຢູ່ສະໜາມທີ່ງ່າຍ.
    (ເບິ່ງ ກົດຂໍ້ 5.1, 5.9, 7.1a, ກົດ Handicap)
  • Handicap Index ຖືກຄິດໄລ່ແນວໃດ?
    Handicap Index ຖືກຄິດໄລ່ໂດຍອີງໃສ່ Score Differential ຂອງ 18 ຂຸມ.
    1. ຖ້າທ່ານມີຕັ້ງແຕ່ 03 ຄະແນນ ແຕ່ໜ້ອຍກວ່າ 20 ຄະແນນ ຂອງ 18 ຂຸມ (ຄະແນນ 18 ຂຸມ ອາດຈະເກີດຈາກການລວມກັນຂອງ ຄະແນນ 9 ຂຸມ 2 ໃບ), ຈຳນວນ Score Differential ທີ່ຈະຖືກນຳມາໃຊ້ຄິດໄລ່ Handicap Index ໃຫ້ປະຕິບັດຕາມຕາຕະລາງລຸ່ມນີ້:
      ຈຳນວນ Score Differential ໃນປະຫວັດຄະແນນ Score Differential ທີ່ຖືກນຳມາໃຊ້ຄິດໄລ່ Handicap Index ການປັບປຸງ (Adjustment)
      03 01 ຄະແນນທີ່ຕໍ່າທີ່ສຸດ -2.0
      04 01 ຄະແນນທີ່ຕໍ່າທີ່ສຸດ -1.0
      05 01 ຄະແນນທີ່ຕໍ່າທີ່ສຸດ 0
      06 ຄ່າສະເລ່ຍຂອງ 2 ຄະແນນທີ່ຕໍ່າທີ່ສຸດ -1.0
      07 ຫຼື 08 ຄ່າສະເລ່ຍຂອງ 2 ຄະແນນທີ່ຕໍ່າທີ່ສຸດ 0
      ຕັ້ງແຕ່ 09 ເຖິງ 11 ຄ່າສະເລ່ຍຂອງ 3 ຄະແນນທີ່ຕໍ່າທີ່ສຸດ 0
      ຕັ້ງແຕ່ 12 ເຖິງ 14 ຄ່າສະເລ່ຍຂອງ 4 ຄະແນນທີ່ຕໍ່າທີ່ສຸດ 0
      15 ຫຼື 16 ຄ່າສະເລ່ຍຂອງ 5 ຄະແນນທີ່ຕໍ່າທີ່ສຸດ 0
      17 ຫຼື 18 ຄ່າສະເລ່ຍຂອງ 6 ຄະແນນທີ່ຕໍ່າທີ່ສຸດ 0
      19 ຄ່າສະເລ່ຍຂອງ 7 ຄະແນນທີ່ຕໍ່າທີ່ສຸດ 0
    2. ຖ້າທ່ານມີຢ່າງໜ້ອຍ 20 ຄະແນນ (18 ຂຸມ) ໃນປະຫວັດ, Handicap Index ຈະຖືກຄິດໄລ່ໂດຍ ຫາຄ່າສະເລ່ຍຂອງ 08 Score Differentials ທີ່ຕໍ່າທີ່ສຸດ ໃນຈຳນວນ 20 ຄະແນນຫຼ້າສຸດ. Handicap Index ອາດຈະຖືກປັບປຸງ ໂດຍມາດຕະການປ້ອງກັນຕ່າງໆ, ລະອຽດດັ່ງນີ້:
      1. ການປັບປຸງເມື່ອຄະແນນທີ່ທ່ານສົ່ງເປັນ ຄະແນນທີ່ດີຜິດປົກກະຕິ (Exceptional Score), ຄືຄະແນນນັ້ນໃຫ້ຄ່າ Score Differential ຕໍ່າກວ່າຢ່າງໜ້ອຍ 7.0 ເມື່ອທຽບກັບ Handicap Index ຂອງທ່ານ ໃນເວລາທີ່ການອອກຮອບເກີດຂຶ້ນ.
      2. ການຈຳກັດການເພີ່ມຂຶ້ນຂອງ Handicap Index ໂດຍອີງໃສ່ການປຽບທຽບ ລະຫວ່າງ Handicap Index ກັບ Low Handicap Index (ແມ່ນຄ່າ Handicap Index ທີ່ຕໍ່າທີ່ສຸດ ໃນຮອບ 365 ວັນ ກ່ອນວັນທີຂອງຄະແນນຫຼ້າສຸດ). ລະອຽດຄື, ເມື່ອ Handicap Index ສູງກວ່າ Low Handicap Index ຢ່າງໜ້ອຍ 3.0, Handicap Index ຈະຖືກປັບປຸງ (Soft Cap / Hard Cap).
  • ຂ້ອຍຫຼິ້ນຢູ່ ໝຸດທີ (Tee) ດຽວກັນ ແລະ ສະໜາມກ໊ອຟດຽວກັນ ຕະຫຼອດ. Handicap Index ຂອງຂ້ອຍ ຈະຖືກຄິດໄລ່ຈາກສິ່ງນັ້ນໄດ້ບໍ່?
    ໄດ້. ທຸກໆຄັ້ງທີ່ທ່ານຫຼິ້ນ ແລະ ສົ່ງຄະແນນ, ຄະແນນນັ້ນຈະຖືກນຳໄປຄິດໄລ່ເພື່ອໃຫ້ໄດ້ Score Differential. Handicap Index ຂອງທ່ານ ຈະຖືກຄິດໄລ່ໂດຍອີງໃສ່ Score Differential ເຫຼົ່ານັ້ນ.
  • Handicap Index ສູງສຸດແມ່ນເທົ່າໃດ?
    Handicap Index ສູງສຸດສຳລັບຜູ້ຫຼິ້ນທຸກຄົນ (ລວມທັງຊາຍ ແລະ ຍິງ) ແມ່ນ 54.0.
  • Handicap Index ຈະຖືກອັບເດດໃນເວລາໃດ?
    Handicap Index ຈະຖືກອັບເດດໄວທີ່ສຸດເທົ່າທີ່ຈະເປັນໄປໄດ້, ຊ້າສຸດແມ່ນ ໃນມື້ຖັດໄປ ຫຼັງຈາກມື້ທີ່ທ່ານສົ່ງຄະແນນ.
ທ່ານຍັງບໍ່ພົບຂໍ້ມູນທີ່ຕ້ອງການບໍ? ກະລຸນາ… ຕິດຕໍ່ພວກເຮົາ.

ຄຳຖາມທີ່ພົບເລື້ອຍ