Laosgolf ກຳລັງໂຫຼດ
ກຳລັງໂຫຼດ...
LA
ໜ້າຫຼັກ ຄຳຖາມທີ່ພົບເລື້ອຍ WHS

ການປັບຄະແນນໃນແຕ່ລະຂຸມ (Adjusting Hole Scores)

Wed, 31 Dec 2025 11:23:56 +0700
  • ການປັບຄະແນນໃນແຕ່ລະຂຸມ ເພື່ອຄິດໄລ່ Handicap Index ແມ່ນຫຍັງ?
    ຄະແນນທີ່ໃຊ້ຄິດໄລ່ Handicap Index ຈະບໍ່ໄດ້ຮັບຜົນກະທົບຈາກ ບາງຂຸມທີ່ຫຼິ້ນບໍ່ດີຜິດປົກກະຕິ, ເພາະມັນບໍ່ໄດ້ສະທ້ອນເຖິງ ລະດັບຄວາມສາມາດທີ່ແທ້ຈິງຂອງຜູ້ຫຼິ້ນ. ນອກຈາກນັ້ນ, ຂຸມທີ່ຫຼິ້ນບໍ່ຈົບ ຫຼື ບໍ່ໄດ້ຫຼິ້ນ ກໍຍັງສາມາດນຳມາໃຊ້ເພື່ອກຳນົດ Handicap Index ໄດ້. ດັ່ງນັ້ນ, ຈໍາເປັນຕ້ອງມີການປັບຄະແນນຂອງຂຸມ (ຖ້າມີ) ກ່ອນການຄິດໄລ່ ເພື່ອໃຫ້ໄດ້ຜົນ Handicap Index ທີ່ຖືກຕ້ອງ ແລະ ສະທ້ອນເຖິງຄວາມສາມາດຂອງຜູ້ຫຼິ້ນ.
  • ຄະແນນສູງສຸດຂອງຂຸມ ສຳລັບການຄິດໄລ່ Handicap Index ກຳນົດແນວໃດ?
    1. ຖ້າທ່ານຍັງບໍ່ມີ Handicap Index, ຄະແນນສູງສຸດຂອງຂຸມແມ່ນ Par + 5.
    2. ຖ້າທ່ານມີ Handicap Index ແລ້ວ, ຄະແນນສູງສຸດສຳລັບແຕ່ລະຂຸມທີ່ຫຼິ້ນ ຈະຖືກຈຳກັດໂດຍ Net Double Bogey, ເຊິ່ງຄິດໄລ່ຕາມສູດ: Par ຂອງຂຸມ + 2 + (+)/(-) ຈຳນວນແຕ້ມຕໍ່ທີ່ໄດ້ຮັບໃນຂຸມນັ້ນ. ຈຳນວນແຕ້ມຕໍ່ໃນຂຸມ ຄິດໄລ່ໂດຍອີງໃສ່ Course Handicap.
      ຕົວຢ່າງ: ຖ້າທ່ານມີ Course Handicap ແມ່ນ 15, ຜູ້ຫຼິ້ນຈະໄດ້ຮັບແຕ້ມຕໍ່ 1 ແຕ້ມ ໃນຂຸມທີ່ມີ S.I (Stroke Index) ຕັ້ງແຕ່ 1 ເຖິງ 15 ໃນບັດຄະແນນ.
      ໃນຂຸມ Par 4 ທີ່ມີ S.I ແມ່ນ 10, ຄະແນນສູງສຸດຂອງຜູ້ຫຼິ້ນໃນຂຸມນັ້ນແມ່ນ 7.
      ໂດຍລະອຽດ: 4 (Par) + 2 (Double Bogey) + 1 (ແຕ້ມຕໍ່) = 7.
  • ຄະແນນຂອງຂຸມທີ່ບໍ່ໄດ້ຫຼິ້ນ ຈະຖືກຄິດໄລ່ແນວໃດ?
    ຂຸມທີ່ບໍ່ໄດ້ຫຼິ້ນ ຍ້ອນເຫດຜົນພາວະວິໄສ (ຕົວຢ່າງ: ມືດຄໍ່າ, ອາກາດບໍ່ດີ, ຜູ້ຫຼິ້ນບາດເຈັບ...), ຄະແນນຂອງຂຸມນັ້ນຈະຖືກຄິດໄລ່ດັ່ງນີ້:
    1. ຖ້າທ່ານຫຼິ້ນໄດ້ຢ່າງໜ້ອຍ 7 ຂຸມ, ຄະແນນຈະຖືກຄິດໄລ່ເປັນ ຄະແນນ 9 ຂຸມ, ຂຸມທີ່ບໍ່ໄດ້ຫຼິ້ນຈະຖືກຄິດໄລ່ເປັນ Net Par = Par + (+)/(-) ຈຳນວນແຕ້ມຕໍ່.
    2. ຖ້າທ່ານຫຼິ້ນໄດ້ຢ່າງໜ້ອຍ 14 ຂຸມ, ຄະແນນຈະຖືກຄິດໄລ່ເປັນ ຄະແນນ 18 ຂຸມ, ຂຸມທີ່ບໍ່ໄດ້ຫຼິ້ນຈະຖືກຄິດໄລ່ເປັນ Net Par = Par + (+)/(-) ຈຳນວນແຕ້ມຕໍ່.
  • ຄະແນນຂອງຂຸມທີ່ຫຼິ້ນບໍ່ຈົບ ຈະຖືກຄິດໄລ່ແນວໃດ?
    ຂຸມທີ່ໄດ້ຫຼິ້ນແລ້ວ ແຕ່ບໍ່ຈົບ ຍ້ອນເຫດຜົນບາງຢ່າງ, ຄະແນນຂອງຂຸມນັ້ນ ຈະຖືກກຳນົດເປັນ Most Likely Score (ຄະແນນທີ່ໜ້າຈະເປັນໄປໄດ້), ເຊິ່ງຄິດໄລ່ຈາກຜົນບວກຂອງຕົວເລກລຸ່ມນີ້:
    1. ຈຳນວນສະໂຕກ (Strokes) ທີ່ໄດ້ຕີໄປແລ້ວໃນຂຸມນັ້ນ, ບວກກັບ
    2. ຈຳນວນແຕ້ມປັບໃໝ (Penalty) ທີ່ເກີດຂຶ້ນໃນຂຸມ (ຖ້າມີ), ບວກກັບ
    3. ຈຳນວນສະໂຕກ ທີ່ທ່ານຄາດວ່າຈະຕ້ອງຕີຕໍ່ ເພື່ອໃຫ້ຈົບຂຸມ.
    1. ຖ້າໜ່ວຍບານຢູ່ເທິງກີນ (Green) ຫ່າງຈາກຂຸມບໍ່ເກີນ 5 ຟຸດ (1.5 ແມັດ), ໃຫ້ບວກເພີ່ມ 1 ສະໂຕກ.
    2. ຖ້າໜ່ວຍບານຢູ່ຫ່າງຈາກຂຸມ ລະຫວ່າງ 5 ຟຸດ (1.5 ແມັດ) ເຖິງ 20 ຫລາ (20 ແມັດ), ໃຫ້ບວກເພີ່ມ 2 ຫຼື 3 ຂຶ້ນກັບຕຳແໜ່ງຂອງບານ, ຄວາມຍາກຂອງກີນ ແລະ ຄວາມສາມາດຂອງທ່ານ.
    3. ຖ້າໜ່ວຍບານຢູ່ຫ່າງຈາກຂຸມ ເກີນ 20 ຫລາ (20 ແມັດ), ໃຫ້ບວກເພີ່ມ 3 ຫຼື 4 ສະໂຕກ ຂຶ້ນກັບຕຳແໜ່ງຂອງບານ, ຄວາມຍາກຂອງກີນ ແລະ ຄວາມສາມາດຂອງທ່ານ.
    ໝາຍເຫດ:
    ຄະແນນ Most Likely Score ຈະຖືກຈຳກັດສູງສຸດບໍ່ເກີນ Net Double Bogey ສຳລັບຜູ້ຫຼິ້ນທີ່ມີ Handicap ແລ້ວ, ແລະ ສູງສຸດບໍ່ເກີນ Par + 5 ສຳລັບຜູ້ຫຼິ້ນທີ່ຍັງບໍ່ມີ Handicap Index.
  • ຕ້ອງຫຼິ້ນຈັກຂຸມ ຈຶ່ງຈະໄດ້ Acceptable Score (ຄະແນນທີ່ຖືກຕ້ອງ)?
    ເພື່ອບັນທຶກຄະແນນ 9 ຂຸມ, ຜູ້ຫຼິ້ນຕ້ອງຫຼິ້ນຢ່າງໜ້ອຍ 7 ຂຸມ. ເພື່ອບັນທຶກຄະແນນ 18 ຂຸມ, ຕ້ອງຫຼິ້ນຢ່າງໜ້ອຍ 14 ຂຸມ.
    ຖ້າຫຼິ້ນຫຼາຍກວ່າ 9 ຂຸມ ແຕ່ໜ້ອຍກວ່າ 14 ຂຸມ, ທ່ານຕ້ອງສົ່ງຄະແນນເປັນແບບ 9 ຂຸມ – ຄະແນນນີ້ ຕໍ່ມາກໍຈະຖືກນຳໄປລວມກັບ ຄະແນນ 9 ຂຸມອື່ນ ເພື່ອສ້າງເປັນຄະແນນ 18 ຂຸມ.
ທ່ານຍັງບໍ່ພົບຂໍ້ມູນທີ່ຕ້ອງການບໍ? ກະລຸນາ… ຕິດຕໍ່ພວກເຮົາ.

ຄຳຖາມທີ່ພົບເລື້ອຍ